Stasjon Iisstadion. Perron súd, ynstap nei SwolStasjon Iisstadion. Perron noard, ynstap nei Ljouwert.
Stasjon It Hearrenfean Iisstadion is in stasjon op It Hearrenfean. It stasjon wurdt net betsjinne troch de reguliere treinsearjes, mar allinnich by bepaalde eveneminten, ornaris yn iisstadion Thialf. It stasjon leit oan it spoar fan Swol nei Ljouwert. It bestiet út twa perrons dy't yn bajonetlizzing lizze, mei dertuskentroch de Heremawei.
It stasjon waard 1 juny 1975 iepene, mar op 22 maaie 1977 al wer sletten. It stasjon waard ôfbrutsen, mar letter waard in nij stasjon oanlein. Dit hat oant 30 maaie 1999 troch de wike trije kear deis in stop hân, mar it koe neffens de NS net út dat it is doe wer stoppe. Op it stuit is it stasjon allinnich in evenemintehalte.
