| Pieter Sahieter
|
![]() keunstner
|
|
| persoanlike bysûnderheden
|
| echte namme |
Pieter IJpma
|
| nasjonaliteit |
 Nederlânsk
|
| berne |
2 maaie 1995
|
| berteplak |
Wurdum
|
| wurkpaad
|
| wurksum as |
discjockey, entertainer
|
| perioade |
sa. 2020 - no
|
| streaming |
hurdstyl
|
| offisjele webside
|
| https://pietersahieter.nl/
|
Pieter Sahieter (Wurdum, 2 maaie 1995) is in Fryske deejay en entertainer. [1]
Pieter Sahieter is de artystenamme fan Pieter IJpma út Wurdum.
De muzykstyl fan Pieter Sahieter is in kombinaasje fan hurde beats mei fleurige Fryske nostalgyske deuntsjes. Sa draait er bygelyks 't Woanskip en In Nije Dei yn in razend tempo mei hurde beats.
Skiednis
Yn syn berteplak Wurdum begûn syn fassinaasje foar hurdstyl en dance. De earste kear dat er draaide wie op in ôfskiedsfeest fan freonen yn in kafee. De wykeinen neist syn wurk mei sinnepanielen kamen yn de rin fan de jierren hieltiten foller te sitten.
Yn 2020 makke hy mei Anneke Douma in remix fan 't Woanskip. Dat nûmer stie yn 2022 yn de Fryske Top 100. Dêrnei kaam In Nije Dei fan de Kast. In oare plaat mei de Doelleazen ferskynde yn 2023, Gjin Gesodemieter. En mei Steyn Land makke er Teeny Teeny op ’e nij yn in hardstyle remix. Yn 2024 gie Wind in mijn haren yn de remix yn gearwurking mei Johannes Rypma.[2] De primeur fan dat nûmer wie op Brêgepop.
Festivals
Mei syn freonen All Tha Fokk en feest deejay Sipke foarmet er it Frysk Elite Team dat optreedt op festivals en dancefeesten. [3]
Festivals dêr't er te hearren wie binne it Intents Festival, Karnaval Festival, Heaven Outdoor en Promised Land.
Op dancefeesten draait er Fryske, mar ek Ingelske nûmers, sawol muzyk fan earder as ek moderne hits.
Syn spesjaliteit is lykwols Fryske nostalgyske nûmers. Hy wol dêrom allinnich yn Fryslân draaie, ek al omdat minsken bûten de provinsje de Fryske link net echt begripe.
Top 100
Syn remix fan it nûmer en In Nije Dei kaam yn 2024 binnen op nûmer tweintich fan de Fryske Top 100. Oare notearrings fan him yn dy list fan dat jier wiene 't Woanskip fan Anneke Douma op nûmer 21 en Gjin gesoademieter mei De Doelleazen op nûmer 46. [4]
Boarnen, noaten en referinsjes
