It Nederlânske ministearje fan Binnenlânske Saken (of Ynlânske Saken) en Keninkryksrelaasjes, ôfkoarte ta BZK (Binnenlandse Zaken en Koninkrijksrelaties, is de opfolger fan it eardere ministearje fan Binnenlânske Saken (ôfkoarte ta BiZa). It taheaksel 'Keninkryksrelaasjes' hat te krijen mei de oerseeske ryksdielen Arûba, Kurasau en Sint-Marten, dy't foar 1998 ûnder it Kabinet foar Nederlânsk-Antiljaanske en Arûbaanske Saken foelen.
Politike lieding
Yn it kabinet-Rutte III wie Kajsa Ollongren (D66) de minister en Raymond Knops (CDA) de steatssikretaris.
Yn it kabinet-Rutte IV wie Hugo de Jonge (CDA) de minister (wie minister sûnder portefúlje foar folkshúsfesting en romtlike oardering) (minister wie Hanke Bruins Slot, CDA) en Alexandra van Huffelen (D66) de steatssekretaris.
Yn it kabinet-Schoof is Judith Uitermark (NSC) de minister van Binnenlânske Saken en Keninkryksrelaasjes. Zsolt Szabó is de steatssekretaris dy't ferantwurdlik oer Keninkryksrelaasjees en Digitalisearring is. Eddie van Marum is de steatssekretaris dy't ferantwurdlik oer it ophelpen fan Grinslân (Herstel Groningen) is.
De heechste amtner (sekretaris-generaal) is Vincent Roozen.
Kearntaken
De wichtichste taken fan it ministearje fan Binnenlânske Saken en Keninkryksrelaasjes binne:
- It ynstean foar de demokratyske rjochtssteat
- De soarch foar in goed wurkjend iepenbier bestjoer
- It ynstean foar de kwaliteit fan meiwurkers en bestjoerders yn 'e rykstsjinst
- It bewaken fan 'e Grûnwet
- It koördinearjen fan 'e gearwurkingsrelaasje mei Arûba, Kurasau en Sint-Marten
- De soarch foar it konstitúsjonele steatsrjochtlike bestel
- It slagjen fan partisipaasje en yntegraasje fan nije ynwenners
- Gruttestêdebelied en befolkingskrimp
- Wenningmerk (keap- en hiersektor, wêrûnder wenningkorporaasjes)
- Hierbelied/hiertaslach
- Boubelied
- Rýksûnderkommen
Keppeling om utens
