Kop fan Noard-Hollân

De Kop fan Noard-Hollân is yn it ljochtblau werjûn

De Kop fan Noard-Hollân is de namme foar it noardlik part fan de provinsje Noard-Hollân. It omfiemet de gemeenten De Helder, Skagen, Hollâns Kroan en Teksel. De regio omfiemet dus ek in part fan de regio West-Fryslân yn de gemeenten Skagen en Hollâns Kroan dy't yn de Westfryske Ringdyk lizze.

Gemeenten

Gemeente	Ynwennertal
De Helder	56.457
Hollâns Kroan	49.519
Skagen	47.765
Teksel	13.805

Dialekt

Yn de Kop fan Noard-Hollân wurdt it West-Frysk dialekt sprutsen. Dat dialekt hat wer ferskaat oan subdialekten; op Teksel it Tessels, op Wieringen it Wieringsk. Dy dialekten hearre ta it Eilân-Westfrysk en yn it oare part fan it gebiet wurde farianten fan it Lân-Westfrysk praat.

Ynfrastruktuer

Autowegen

De Kop fan Noard-Hollân is oer de Ofslútdyk mei de provinsje Fryslân ferbûn. Oer de Ofslútdyk rint de A7, dy't Saandam mei Bad Nijeskâns yn Grinslân ferbynt. It is de iennige autodyk dy't troch de Kop fan Noard-Hollân rint. Oare wichtige diken binne de N302 (Westfrisiaweg) dy't Kop fan Noard-Hollân oer de Houtribdyk ferbynt mei Flevolân, N506, N241, N245, N248, N99 en de N9 dy't fan Helder nei Alkmaar rint en dêr oanslút op de A9.

Spoarwegen

• Spoarline K (Amsterdam - De Helder)

Feartsjinsten

• Feartsjinst De Helder - 't Horntje (Teksel) ûnderhâlden troch TESO.

Lofhaven

• De Helder airport