Kniezing

Tink derom dat de Wikipedy gjin medyske konsultaasje jout!

In kniezing.

In kniezing of kontúzje is in skansearring fan ûnderhûdsk weefsel troch útwindich geweld mei in stomp oerflak. Soks wurdt bygelyks in protte feroarsake te fallen of jin te stompen. It hûdoerflak bliuwt hjirby ornaris yntakt.

In kniezing giet mank mei in ûntstekkingsreäksje mei opsetten, pine en in bloedútstoarting, meastal yn 'e foarm fan in blau plak, trochdat de ierkes skansearre rekke binne. It tapassen fan kâlde kompressen kin by slimme kniezings it opsetten en de pine beheine.

By in lichte kniezing duorret it yn trochsneed trije wiken ear't de ferwûning folslein genêzen is. By in swiere kniezing kin dat oprinne oant wol seis wiken.

Boarnen, noaten en referinsjes

Boarnen, noaten en/as referinsjes:

Zaagman-Van Buuren, M.J., en Jong, J.T.E. de, Algemene Ziekteleer (2e, op 'e nij besjoene druk), Houten/Diegen, 1997 (Bohn Stafleu van Loghum). Commons Wikimedia Commons  Ofbylden dy't by dit ûnderwerp hearre, binne te finen yn de kategory Hematoma fan Wikimedia Commons.