De kiwy-eftigen of snipstrúseftigen (wittenskiplike namme: Apterygiformes) foarmje in skift fan 'e klasse fan 'e fûgels (Aves), de ûnderklasse fan 'e moderne fûgels (Neornithes), de tuskenklasse fan 'e âldkakigen (Palaeognathae) en de rangleaze groepen fan 'e echte âldkakigen (Notopalaeognathae) en de nije rinfûgels (Novaeratitae). Dit skift telt ien inkele famylje, dy fan 'e kiwyfûgels (Apterygidae), dy't ek wer ien inkeld skaai telt, dat fan 'e kiwys (Apteryx). Yn totaal hearre ta de kiwy-eftigen 5 libbene soarten flechtleaze fûgels, dy't yn har fersprieding allegearre beheind binne ta Nij-Seelân.
Taksonomy
Resint genetysk ûndersyk hat útwiisd dat de kiwy-eftigen it naust besibbe binne oan 'e útstoarne oaljefantsfûgeleftigen (Aepyornithiformes) fan Madagaskar, en net oan 'e (krektlyk útstoarne) moä's (Dinornithiformes) fan Nij-Seelân. In oar nau besibbe skift is dat fan 'e kasuariseftigen (Casuariiformes) fan Nij-Guineä en Austraalje. Mei de oaljefantsfûgeleftigen en de kasuariseftigen foarmje de kiwy-eftigen de groep fan 'e nije rinfûgels. De moä's en de nandoe-eftigen (Rheiformes) en tinamû-eftigen (Tinamiformes) fan Súd-Amearika binne minder nau mei de kiwy-eftigen besibbe.
Skiftopbou
- skift kiwy-eftigen of snipstrúseftigen (Apterygiformes)
- famylje kiwyfûgels of snipstrúsfûgels (Apterygidae)
- skaai kiwys of snipstrusen (Apteryx)
|
Boarnen, noaten en referinsjes
