It KNMY, Keninklik Nederlânsk Meteorologysk Ynstitút (Nederlânsk: Koninklijk Nederlands Meteorologisch Instituut, KNMI) is in Nederlânsk ynstitút dat ûnder oare de deistige waarfoarsizzings docht. It KNMY is in agintskip fan it Ministearje fan Ferkear en Wettersteat. Yn totaal wurkje der sa'n 500 minsken foar it ynstitút (2003).
De deistige ferwachtigings fan it KNMY begûnen yn 1924, doe noch fia in eigen stjoerder. Sûnt 1936 is de waarferwachting ûnderdiel fan it radionijs. Oan it begjin fan de Nederlânske telefyzje yn 1951 waard de ferwachting útstjoerd mei in waarman.
Taken
It KNMY rjochtet him op it waar, it klimaat en ierdskoddings. Dêrby jout it ynstitút spesjaal omtinken oan feiligens; it ynstitút jout in waaralaarm út by slim waar dat problemen of oerlêst jaan kin.
