Hyp Hyp Hoera , in skilderij fan Peder Severin Krøyer út 1888 .In feest (fan it Aldfrânske feste ) is in gearkomste fan in ûnbeskaat tal minsken mei as bedoeling om mei-inoar in heuchlik barren of in hjeldei of offisjele feestdei te fieren. In heuchlik barren kin bygelyks in jierdei , houlik , berte of jubileum wêze. In hjeldei kin it krystfeest of in oare religieuze feestdei wêze. In offisjele feestdei is bygelyks Befrijingsdei of Keningsdei . In feest kin lykwols ek sûnder direkte oanlieding plakfine.
Om it feestlike karakter fan 'e gearkomste oan te jaan, is der faak sprake fan fersiering , lykas slingers en/of lampions . Oare ûnderdielen fan in feest binne gauris it optsjinjen en iten fan taart of oarsoartich gebak (yn Fryslân faak oranjekoeke ); it dragen fan feestklean of alteast ferklaaiersklean troch de gasten, en it draaien fan muzyk of it fersoargen fan live-muzyk. Op bernefeesten en doarpsfeesten wurde faak âlde spultsjes dien, lykas koekhappen en sekrinnen .
Der besteane in grut tal ferskillende soarten feesten, lykas:
afterparty , in feest nei it haadfeestbabyshower , in feest dat holden wurdt foar in frou dy't swier is, foarútrinnend op 'e berte bal , in dûnsfeest brulloft , in feest ta gelegenheid fan in houlik buertfeest , in feest fan in stedsbuert cocktailparty , in feest om te sosjalisearjen ûnder it genot fan in drankje doarpsfeest , in feest fan in hiel doarp eksamenfeest , in feest ta gelegenheid fan it slagjen foar de middelbere skoalle festival , in grutskalich feest of grutskalich feestlik evenemint frijfeintefeest of frijfammefeest , in feest dat koart foar syn of har trouwen holden wurdt foar in frijfeint of frijfaam fuif , in feestje yn húslik fermiddenfundraisingparty , in feest dat holden wurdt om jild yn te sammeljenhousewarmingparty , in feest ta gelegenheid fan in ferhuzing jierdeisfeest , in feest om in jierdei te fierenmaskere bal of costumeparty , in feest dêr't de gasten hinne moatte ferklaaid as immen of eat oarsôfskiedsfeest , in feest om ôfskie fan immen te nimmenpreparty , in feest foarôfgeande oan it eigentlike feestresepsje , in feest ta gelegenheid fan eat offisjeels, lykas in bedriuwsiepening of in jubileum
soirée , in besletten feest dat op 'e jûn holden wurdtstrjitfeest , in feest fan 'e lju dy't yn deselde strjitte wenje of in oarsoartich feest dat op 'e strjitte holden wurdtsurpriseparty , in feest dat oant op it lêst foar de earegast geheim holden wurdttúnfeest , in feest dat plakfynt yn 'e tún wolkomsfeest , in feest om immen wolkom te hjitten
