Karel de Grutte ferslaat de Saksen foarfêst ten noarden fan de Elbe. Hy deportearret de Wihmuodi en Nordalbingi. It gebiet lit hy ynstee dêrfan befolkje troch de Abodrites. De ûnderwerping fan de Saksen is hjirmei klear.
Godfred fan Denemark, ferûntrêste troch it bûnsgenoatskip fan Karel de Grutte en de Slavyske Abodriten posteart mei in bulte machtsfertoan syn fleat oan no Frankyske grins by Sliesthorp. It komt lykwols -tanksij ûnderhannelingen- net ta in treffen mei Karel dy't besuden de Elbe tahâldt.
De Bulgaarske Khan Krum makket in ein oan it al troch de oanfallen fan de Franken ferswakke Avaarske Ryk. Fan in Avaarske identiteit is binnen in iuw net folle mear te fernimmen.
It Fryske rjocht wurdt ûnder Karel de Grutte optekene yn de Lex Frisionum dy't fan tapassing wie op in Hartochdom Fresia dat har útstrekke fan de Sinkfal yn Flaanderen, oant de Weser yn Dútslân.
