PROFILBARU.COM

El su territóriu es prencipalmenti una peninsula alargá i dos grandis islas nel Mari Mediterráneu: Sicília i Cerdeña. Por el norti está arrodeá polos Alpis. Hazi arrayu con Fráncia, Suiça, Áustria i Eslovénia. Los estaus endependientis de San Marinu i Ciá del Vaticanu son enclavaus por dentru del su territóriu.

Geografia

El relievi apresenta cuatru grandis unidais regionalis: al norti, un setol continental dominau polos Alpis; a los sus pies, la llanura del Po; al Sul un setol peninsulal articulau polos Apeninus; i finalmenti las tierras ensularis.

El sistema alpinu estiendi por territóriu italianu la quasi totaliá la su vertienti meriyonal. Nesti gran conjuntu montañosu destacan las holmacionis calcáreas de los Dolomitas. Angunus pasus de montaña facilitan la comunicación conas regionis vizinas.

Al Sul de los Alpis, entri éstos i los Apeninus, s'estiendi la llanura del Po que realmenti es una fosa testónica rellená polos depósitus sedimentárius aportaus polos rius que desciendin de los Apeninus i, especialmenti, de los Alpis, i qu'avenan la llanura que s'abri al mari Adriáticu por el litoral NE d'Itália. Las restantis llanuras italianas, anque numirosas, son d'escasa estensión, i se localizan preferentementi nel litoral tirrénicu, holmás por emportantis rius comu el Arno o el Tíber, u por llanuras costeras. La caena de los Apeninus costituyin l'espinaçu la península italiana, i nella se distinguin tres setoris: los Apeninus setentrionalis, los Apeninus centralis, tamien denominaus Abruzos, que constituyin el techu la caena (Gran Sasso, 2.914 m), i apresentan holmacionis cársticas; por úrtimu, los Apeninos meriyonalis, que tien el su puntu culminanti nel monti Pollino (2.271 m). A dambas vertientis la caena s'estiendin holmaciones e colinas, denominás Subapeninus o Antiapeninus, destacandu las del rebordi Oesti, ondi s'elevan angunus volcanis (Vesubio, monte Amiata, Campos Flégreos).

Nel estremu sul de la península Itálica, la isla de Sicília es considerá una prolongación los Apeninos, destacandu el monti Etna, que conos sus 3.345 m d'artura es el volcán ativu más artu d'Uropa. La isla de Cerdeña es assina mesmu montañosa, nu ostanti cabi destacal la fosa testónica de Campidano, entri Oristano i Cagliari.

Climi

La climitologia italiana, tien carater mediterráneu, peru apresenta notablis variacionis rehgionalis. En primel lugal, por efetu de la su considerabli estensión en latitú alcuentramus meyas anualis en Milán de 23 °C en júliu i 1,5 °C en jeneru, pol tantu qu'en Palermu, dichas meyas son de 26,2 i 11 °C. Tamieén, ebiu a las condicionis orográficas: los Alpis, qu'atúan de barrera poranti los vientus el Norti, registran las mayoris precipitacionis (3.000 a 3.800 mm anualis); los Apeninos, por el su lau, establecin una clara distinción entri sus dos veltientis: la tirrénica, que quea espuesta a las corrientis úmeas 'el Oesti, i la vertienti adriática, a sotaventu de dichas influencias (menus e 500 mm anualis en Apulia).

Organiçación admenistrativa

Italia s'alcuentra deviia en 20 regionis almenistrativas, deviias en províncias i éstas a la su vezi en monicípius o comunas. Destas, 5 (Valle de Aosta, Friuli-Venecia Julia, Sicilia, Cerdeña i Trentino-Alto Adigio) tienin un estatus especial en razón de la su naturaleza geográfica, cultural o social. Las demás se sometin a un estatutu común d'aldmenistracion.

Economia

Italia es, por descontau, unu de los paisis mas endustrializaus del mundu, enclusu huendu qu'el sul es mas pobri qu'el norti i non ai un gran desarrollu de la activiá.

L'activiá endustrial á siu el motol del desarrollu italianu, i ogañu es el eji de la su economia. Por contra, las actividais agrícolas án esperimentau una considerabli tesera, tantu ena ocupación de la puebración ativa (7,3 %), comu ena su participación nel PIB (3,7 %). La produccion agrícola non surti la demanda alimentária de la puebración, i es especialmenti escasa ena rama ganaera: bovinu, porcinu. L'agricultura se halla mas extendia, con cultivus de cerealis (trigu, arró -primera productora uropea-, maí), leguminosas, plantas industrialis (remolacha açucarera), chucherias (pimentuss, berenhenas, tomatis i cebolas) i floris.

Luenga

La luenga italiana es una luenga romanci. Dessisti un gran númeru de dialetus italu-romanus. Se chasca mas que ná en Itália, ondi es la lengua nacional, peru tamién en dos cantonis del sul de Suiça ondi es de la mesma manera reconociu cumu luenga oficial.

Coltura

Italia es conocia por el su arti, coltura i numerosísimus monumentus, entri tos ellus la torri de Pisa i el Coliseu romanu; assín comu por la su gastronomia (pratus italianus famosus son la pitsa i la pasta), el su vinu, la su holma de via, la su pintura, el su diseñu, cini, tiatru, literatura i música, en particulal l'ópera.

El periodu del Renacimientu uropeu escomençó en Italia duranti los sigrus XIV i XV.

El Cini

La estória del cini italianu escomençó namás angunus mesis endespues de que los hermanus, Auguste i Louis Lumière hubieran descubieltu el meyu, quando el papa Leon XIII hue filmau por dangunus segundus mientris bendecía la cámara fotográfica.