Zarina (artista)

Zarina (artista)
Irudi gehiago
Bizitza
Jaiotza	Aligarh, 1937ko uztailaren 16a
Herrialdea	Britainiar Raj  1947ko abuztuaren 14a)  Ameriketako Estatu Batuak  Indiako Agindupeko Lurra  (1947ko abuztuaren 15a -  1950eko urtarrilaren 26a)  India  (1950eko urtarrilaren 26a -
Heriotza	Londres, 2020ko apirilaren 25a (82 urte)
Hezkuntza
Hizkuntzak	ingelesa
Jarduerak
Jarduerak	grabatzailea, eskultorea, margolaria, artista grafikoa, marrazkilaria eta artista
Parte-hartzailea Coast to Coast: A Women of Color National Artists’ Book Project ^(en)
Jasotako sariak	ikusi New York Foundation for the Arts  (1985) New York Foundation for the Arts  (1990)
zarina.work

Zarina Hashmi, profesionalki Zarina bezala ezaguna, (Aligarh (Uttar Pradesh), Britainiar Raj, 1937ko uztailaren 16a – Londres, Erresuma Batua, 2020ko apirilaren 25a) Estatu Batuetan bizi izan zen indiar artista izan zen.^[1] Marrazkia, grabatua eta eskultura landu zituen. Mugimendu minimalistarekin lotuta, bere lanak forma abstraktu eta geometrikoak erabili zituen ikuslearen erreakzio espiritual bat gogora ekartzeko.^[2]

Bizitza

Aligarhen (India) jaio zen, eta Thailandian eta Frantzian grabatzeko metodo ugari ikasi aurretik matematika-gradua egin zuen. Bertan, Stanley William Hayterren eta Tokioko (Japonia) Toshi Yoshido grabatzailearen ikaslea izan zen.^[3][4] New York hirian lan egin eta bizi izan zen.^[5]

Laurogeiko hamarkadan, New York Feminist Art Institute-ko kidea izan zen eta Emakumeentzako Hezkuntza Zentroan papera egiteko tailerren irakasle. Arte feministaren Heresies aldizkariko kidea zen bitartean, Mujeres Tercermundistas kausan lagundu zuen.^[6]

Laurogeita hiru urte zituela hil zen, Londresen, 2020ko apirilaren 25ean.^[1]

Estilo artistikoa

Musulman jaiotako emakume indiar gisa zuen identitateak eta tokiz toki bidaiatzen eman zuen bizitzak osatu zuten Zarinaren artea. Dekorazio erlijioso islamiarreko elementu bisualak erabili zituen, batez ere arkitektura islamiarrean aurkitu ohi den geometria erregularra. Abstraktua dena eta bere lan goiztiarren estilo geometrikoa Sol LeWitt bezalako minimalistekin alderatu dute.

Zarinaren lanak etxea espazio jariakor gisa esploratu zuen, fisikaltasunetik edo kokapenetik haratago doan espazio abstraktu gisa. Bere lanak, askotan, mugimendua, diaspora, erbestea bezalako ideiak ekartzen zituen gogora. Adibidez, Paper Like Skin egur gaineko inpresioak lerro beltz mehe bat deskribatzen du, hondo zuri baten bidez gorantz sigi-saga egiten duena, orria beheko eskuineko izkinatik goiko ezkerreko izkinaraino zatituz. Lerroak kalitate kartografikoa du, eta, orrialdearen harilkatze angeluarrean, bi lekuren arteko muga bat iradokitzen du, edo, agian, oraindik amaitu gabe dagoen bidaia baten grafiko topografiko bat.^[7]

Erakusketa garrantzitsuak

2011n Veneziako Bienalean India ordezkatu zuten lau artista/taldeetako bat izan zen.^[8]

2012an Los Angelesko Hammer Museumek bere lanaren lehen atzera begirakoa antolatu zuen^[9] Zarina: Paper Like Skin izenburupean, erakusketa Solomon R. Guggenheim Museora eta Chicagoko Arte Institutura joan zen.^[10]

2017-18 ikasturtean Zarina, Asian/Pacific/American Institute erakundeko artista egoiliarra izan zen NYUn.^[11] Erresidentzia banakako erakusketa batekin amaitu zen; Zarina: Dark Roads (2017ko urriaren 6a – 2018ko otsailaren 2a) eta argitalpen bat, Directions to My House.^[12][13]

Bere lanaren adibide dira Arte Modernoaren Museoko arte-bilduma iraunkorrak, Arte Estatubatuarraren Whitney Museroa, eta Frantziako Bibliothèque Nationale.^[9][14]

Erreferentziak

1. ↑ Txantiloi:Versalitas, Alex. (26 de abril de 2020). «Zarina, Maker of Tender Prints Evoking Displacement and Trauma, Is Dead at 83» ART news.
2. Zarina: Paper Like Skin. Art Institute of Chicago.
3. Ollman, Leah. «Zarina Hashmi» Art in America.
4. «Artist Bio: Zarina Hashmi» Gallery Espace.
5. «Zarina Hashmi» Gallery Espace.
6. «Third World Women: The Politics of Being Other» Heresies Collective.
7. «Zarina: Paper Like Skin» Guggenheim 25 de enero de 2013.
8. Pavilion of India. La Biennale.
9. ↑ Zarina: Paper Like Skin. Hammer Museum.
10. «Artist Bio: Zarina Hashmi» Luhring Augustine.
11. «Asian/Pacific/American Institute Announces Zarina Hashmi As Artist-in-Residence 2017-18» New York University.
12. «"Directions to My House"--A Life Story through Words, Photographs, and Art» New York University.
13. «Zarina Hashmi Dark Roads» ArtAsiaPacific.
14. «Zarina» Jeanne Bucher Jaeger.

Kanpo estekak

• Zarinaren webgunea
• Zarinaren lanaren irudiak Luhring Augustine Galleryn, New Yorken
• Galéry Espace, New Dehli, India
• Jeanne Jaeger Bucher, Paris, Frantzia

• Datuak: Q16864498
• Multimedia: Zarina (artist) / Q16864498