Whirimako Black (Whakatane, 1961) abeslari, konpositore eta aktore zeelandaberritarra da, maori jatorrikoa[1]. Maorien musika eta tradizioak sustatzeagatik Zeelanda Berriko Merituaren Ordeneko kide da[2].
Maorieraz abesten du eta "taonga pūoro" musika tresna tradizionalak erabiltzen ditu. Aurpegian "tā moko" tatuaia darama, maorientzat harrotasunaren eta edertasunaren sinboloa dena.
Biografia
1991. urtean Tuahine musika taldea sortu zuen beste emakumezko maori batzuekin batera baina 1993an bakarkako bideari ekin zion[1]. 1998an The New Zealand Wars telesail arrakastatsuko hasierako musika konposatu zuen[3] eta Te Karere maorien telebistako berrien programako musika ere berak egina da[4]. Aurreneko diskoa 1999an argitaratu zuen, Whirimako, gaur egun guztira zortzi argitaratu ditu.
2013an White Lies ("Gezur zuriak") filmean egin zuen debuta[5]. Asia Pacific Screen sarietarako emakumezko aktore onenaren izendapena jaso zuen.
Diskoak
WhirimakoShrouded In The Mist (1999)
Hohou Te Rongo (2002)
Tangihaku (2004)
Kura Huna (2006)
Soul Sessions (2006)
Sings (2007)
The Late Night Plays (2011)
Filmeak
White Lies (2013)
The Spectacular Imagination Of The Pohara Brothers (2016)
