Vicenta Fernández-Montesinos

Vicenta Fernández-Montesinos
Bizitza
Jaiotza	Granada, 1930eko abenduaren 9a
Herrialdea	Espainia
Bizilekua	San Bizente Baratzea New York Madril Aravaca
Heriotza	Aravaca, 2023ko irailaren 12a (92 urte)
Familia
Aita	Manuel Fernández Montesinos
Ama	Concepción García Lorca
Haurrideak	ikusi Manuel Fernández-Montesinos García
Familia	ikusi Isabel García Lorca (izeko) Federico García Rodríguez ^(en) (aitona) Vicenta Lorca Romero (amona) Laura Garcia Lorca (lehengusina propio) Fernando de los Ríos Urriti ^(en) (osaba zahar) Gloria Giner de los Ríos García (izeba zahar) Federico García Lorca (osaba)
Hezkuntza
Hizkuntzak	gaztelania ingelesa
Jarduerak
Jarduerak	idazlea

Vicenta Fernandez-Montesinos García-Lorca, edo Tina Montesinos (Granada, Andaluzia, 1930eko abenduaren 9a - Aravaca, Madril, 2023ko irailaren 12a) granadar idazlea izan zen. Liburuak sinatzeko orduan Tina Montesinos jartzen zuen.^[1]

Biografia

Gurasoak Concepcion Garcia Lorca eta Manuel Fernández-Montesinos Lustau (1901-1936) izan ziren. Manuel neba eta ahizpa Concha izan zituen. Aita medikua eta politikoa zen, 1935ean, errepublikaren sasoian Granadako alkatea izan zena. Lehen urteak Huerta de San Vicenteko familia etxean bizi izan zen, Lorca familiaren udako etxean, gero museo-etxe bihurtu zena. Sei urte zituela, 1936ko abuztuan, Francoren armadak aita erahil zuen eta hiru egun geroago osaba Federico García Lorca ere bai.^[2]

1940ko udan, familiako gainerako kideek "Marqués de Comillas"n ontziratu ahal izan zuten erbestera, Ameriketako Estatu Batuetara, alde egiteko, New Yorkera hain zuzen ere. Erbestealdi horrek ia hamar urte iraun zuen, eta berrogeita hamarreko hamarkadan itzuli zen Madrilera.^[3]

Argitaratutako lanak

• Tica Fernández-Montesinosek bi memoria-liburu idatzi zituen: Notas deshilvanadas de una niña que perdió la guerra (2007), Comares argitaletxeak argitaratua. Gerra Zibila hasi aurretik San Vicenteko baratzean izandako haurtzaroko kontakizuna da.^[4][5]
• 2018an, Ediciones Dauroren El sonido del agua en las acequias argitaratu zuen, eta Estatu Batuetako erbestealdiaren bizipenak kontatzen ditu.^[6]

Erreferentziak

1. (Gaztelaniaz) PAÍS, Ediciones EL. (2006-07-19). «Artículos escritos por Vicenta Fernández-Montesinos» El País (Noiz kontsultatua: 2024-03-24).
2. «Muere la sobrina de Federico García Lorca, la última persona que le conoció en vida» www.hablandoenplata.es 2023-09-14.
3. Novo, Marta González. (2023-09-13). «Muere Tica Fernández Montesinos, la última persona que conoció a García Lorca» El País.
4. Press, Europa. (2008-05-16). «Vicenta Fernández-Montesinos rememora en un libro su infancia en Granada junto a su tío Federico García Lorca» Europapress.
5. (Gaztelaniaz) «Sobrina de Lorca recoge en un libro vivencias familiares en su exilio en EEUU» La Vanguardia 2018-04-21 (Noiz kontsultatua: 2024-03-24).
6. (Gaztelaniaz) Rodríguez, Pablo. (2018-03-13). «Un libro recupera la memoria del exilio de la familia Lorca» Ideal (Noiz kontsultatua: 2024-03-24).

Kanpo estekak

• Datuak: Q123819010