Vero ibaia (aragoieraz: río Vero) Aragoiko ibaia da, Ebroren arrokoa, Guarako mendilerroan jaio eta Cincara isurtzen dena. 60,9 kilometro luze da, eta 372 kilometro koadroko arroa drainatzen du. Oso gogokoa dute abentura kirolen zaleek.[1]
Geografia
Cincaren eskuinaldeko adarra da. Sobrarberen hegoaldean sortzen da, 1000 metro inguruko garaieran, Cereosa eta Viñaza erreken elkargunean. Guarako mendilerroa zeharkatzen du, arroila ikusgarriak eratuz. Somontano gurutzatzen du eta, Barbastrotik igaro ondoren, Cincara isurtzen da,[1] La Boquera izeneko alderdian.
