The Summer I Turned Pretty

The Summer I Turned Pretty
Irudia   Bideoa
Jatorria
Izenburua	The Summer I Turned Pretty
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	2
Atalak	15
Banatze bidea	streaming
Ezaugarriak
Genero artistikoa	telesail dramatiko erromantikoa eta eleberrietan oinarritutako telesaila
Kolorea	koloretakoa
Deskribapena
Oinarritua	The Summer I Turned Pretty trilogia
Grabazio lekua(k)	Wilmington
Zuzendaritza eta gidoia
Zuzendaria(k)	Jesse Peretz
Gidoigilea(k)	Jenny Han Jenny Zhang Speed Weed Gabrielle Stanton
Antzezlea(k)
Rachel Blanchard Gavin Casalegno Alfredo Narciso Colin Ferguson Tom Everett Scott Christopher Briney Lola Tung Sean Kaufman
Emanaldia
Jatorrizko igorlea	Amazon Video
Hasiera-data	2022ko ekainaren 17a
primevideo.com…

Maitemindu nintzen uda (ingelesez: The Summer I Turned Pretty) maitasunezko telesail dramatiko bat da. 2022ko ekainaren 17an estreinatu zen, Amazon Prime Videon. Bi denboraldi ditu, zazpi eta zortzi atalez osatuak, hurrenez hurren. Jenny Han da haren sortzailea.

Han-ek izen bereko nobela trilogia bat idatzi zuen lehenik, eta hartan oinarritu dute telesaila. Denboraldi bakoitzean liburu bat egokitu dute. Hirugarren denboraldia estreinatuko dute 2025. urtean.

Sinopsia

Heldu dira udako oporrak. Urtero bezala, Belly lagunekin elkartu da familiako lagun batzuek hondartzaren ondoan daukaten etxean, Conrad eta Jeremiah anaiekin. Amodiozko triangelu batean harrapatuta geratuko da.

Aktore zerrenda

Pertsonaia nagusiak

• Lola Tung: Belly Conklin.

• Christopher Briney: Conrad Fisher.

• Gavin Casalegno: Jeremiah Fisher.

• Sean Kaufman: Steven Conklin.

• Jackie Chung: Laurel Park.

• Rachel Blanchard: Susannah Fisher.

• Alfredo Narciso: Cleveland Castillo.

Bigarren mailako pertsonaiak

• David Iacono: Cam Cameron.

• Summer Madison: Nicole.

• Minie Mills: Shayla.

• Rain Spencer: Taylor.

• Colin Ferguson: John Conklin.

• Tom Evertt Scott: Adam Fisher.

• Jake Uplow: Tom Kitlon.

Ekoizpena

Garapena

2021eko otsailaren 8an, Amazonek zazpi ataleko denboraldi bat ekoitzi zuen trilogiako lehenengo liburutik abiatuta.

Hasiera hartan, telesailaren ekoizpenean parte hartu zuten, Han idazle eta sortzaileaz gain, Gabrielle Stantonek, Karen Rosenfeltek, Nne Ebongek eta Hope Hartmanek ere^[1].

Taylor Swift abeslariaren This Love kanta erabili zuten 2022ko maiatzaren 31n argitaratutako trailerrean^[2].

Castinga

Jakinarazi zutenean telesail bat egitekoak zirela Han-en trilogian oinarrituta, castinga egin, eta lau aktore nagusiak zein izango ziren esan zuten lehenik^[3]. Aktore nagusia, Bellyren rola jokatzen duena, Lola Tung da. Jackie Chung, berriz, haren amaren rolean aritzen da. Susannah pertsonaiaren rola interpretatzeko (Bellyren amaren lagunik onena), Rachel Blanchard aukeratu zuten. Azkenik, Conrad (Susannah-ren semea) Christopher Brineyk antzezten du.

Filmazioa

The Summer I Turned Pretty telesailaren lehen denboraldia Greater Wilmington-en filmatu zuten, Ipar Carolinan (AEB), 2021eko ekaina eta urria bitartean. Berez, telesaila Cousins ​​​​Beach izeneko fikziozko hirian dago girotuta, eta, toki hura sortzeko, Wilmington hirian eta inguruko hainbat lekutan aritu izan dira filmatzen^[4].

Estreinaldia

Lehenengo denboraldia 2022ko ekainaren 17an estreinatu zen, eta bigarrena, 2023ko uztailaren 13an ^[5]. Biak ikusgai daude Prime Video plataforman. Hirugarren denboraldia 2025eko udan estreinatuko dutela esan dute ^[6].

Harrera

Telesailak kritika onak izan ditu oro har. Rotten Tomatoes kritiken datubasean, telesailaren batez besteko kalifikazioa %75ekoa da^[7]. Metacritic webgunean, 72 puntu ditu ehunetik^[8].

Erreferentziak

1. (Gaztelaniaz) SensaCine. Reparto El verano en que me enamoré T01. (Noiz kontsultatua: 2023-11-16).
2. (Gaztelaniaz) Cámara, Nora. (2022-06-17). El verano en que me enamoré: la nueva serie adolescente de Amazon Prime Video. (Noiz kontsultatua: 2024-09-16).
3. (Gaztelaniaz) Godoy, Sandra. (2021-05-07). «Primeros actores desvelados de la adaptación 'El verano en que me enamoré', de Jenny Han» Infoliteraria (Noiz kontsultatua: 2023-11-16).
4. (Ingelesez) Garcia, Gretty. (2023-07-26). «Presenting: All the Filming Locations for The Summer I Turned Pretty» Cosmopolitan (Noiz kontsultatua: 2024-09-16).
5. (Ingelesez) The Summer I Turned Pretty (TV Series 2022- ). (Noiz kontsultatua: 2024-09-16).[1]
6. (Ingelesez) Gibson, Kelsie. (2024-06-13). «The Summer I Turned Pretty Season 3: Everything to Know» People.
7. (Ingelesez) «The Summer I Turned Pretty | Rotten Tomatoes» www.rottentomatoes.com (Noiz kontsultatua: 2024-09-16).
8. (Ingelesez) «The Summer I Turned Pretty» www.metacritic.com (Noiz kontsultatua: 2024-09-16).

Kanpo estekak

• Datuak: Q111947659