Tallaght

Tallaght Tamhlacht
Dublin, Irlanda
Administrazioa
Estatua	Irlandako Errepublika
Probintzia	Leinster
Hiria	Dublin
Geografia
Koordenatuak	53°17′19″N 6°21′26″W
Altuera	90 metro
Demografia
Bestelako informazioa

Tallaght (irlanderaz: Tamhlacht) Irlandako Errepublikako Hego Dublineko konderrian (antzina Dublingo konderrian zegoen) kokatzen den hiria da, Dublin hiriaren hego-ekialdean hain zuzen ere, hiriburutik 13 kilometrotara. 71.467 biztanle ditu (2011).

Etimologia

Irlanderazko Tamhlacht hitzak "malkoen zuloa" esan nahi du, izan ere bertan hilobiratu zituzten izurrite batek hildako milaka partholoniar. Parthalon greziarra Irlandaren aurreneko inbaditzaileetakoa izan zen eta kondairak dioenez berarekin zetozen 9.000 gizon astebetean hil zituen izurriak. Gaur egun jakin da hilobia aintzinagokoa dela.

Historia

Máel Ruain apezpikuak 769. urtean Tallaghteko monasterioa sortu zuen. 811 urtean vikingoek erasotu eta harpilatu egin zuten. XIII mendetik aurrera O'Byrne eta O'Toole familiek sarritan erasotu zuten eta herria babesteko 1349an gaztelua eraiki zen. Hurrengo mendeetan ingelesen gotorleku garrantzitsuenetako izan zen.

1729rako ordea gaztelua oso egoera txarrean zegoenez behera bota eta Hoadley apezpikuak beretako jauregia eraiki zuen toki berean.

Ondasun nabarmenak

• St. Maelruain Eliza: 1829an eraiki zen, aurreko beste eliza baten lekuan. Irlandar elizari dagokio.

Hiritar ezagunak

• William Howard Russell (1820-1907), gerra kazetaria
• Aidan Turner (1983- ), aktorea

Kanpo estekak

• Datuak: Q990099
• Multimedia: Tallaght / Q990099