Sinkopea[1] edo zorabioakonortearen galera, erabatekoa, laburra normalean. Itxurazko heriotza-egoera hau garuneko funtzioak une batez geratu egiten direlako gertatzen da, odol arteriala garunera iristen ez delako, bihotzeko arritmia baten eraginez sarritan.[2] Kontzeptu hori ez da lipotimiarekin nahastu behar, hau konortea galdu gabeko "zorabioa" baita.
Oso ohiko arazoa da. Helduen %20 inguruk sinkope bat izan du bere bizitzan zehar. Gizonen prebalentzia %3koa da eta emakumeena %3,5ekoa. Ohikoena sinkope basobagala da.
