Runavík, Faroe uharteetako hirugarren hiri handiena da. Eysturoy uhartearen hegoaldean dago
baina udalerriak erdi eta iparraldeko lur batzuk ere hartzen ditu. Skálafjørður (Skáliko fiordoa)-ren ertzean kokaturik dago.
Udalerria
Runavík herriak berak 488 biztanle baino ez ditu, baina guztira 15 herriren arteko elkarketa da udalerria. Handienak Saltangará (910), Skáli (664), Runavík (488) eta Glyvrar (388) dira.
Historia
Runavík Skálafjørður fiordoko herririk berriena da, 1916an sortu baitzuen Hans Tausenek, eta Runavík izena 1938an hartu zuen. Ondoan dagoen Nes eta Toftir herriekin batera Faroetako eskualde jendetsuenetakoa osatzen du.
Ekonomia
Industria guztia arrantzarekin erlazionatua dago. Izokina esportatzen du bereziki. Turismorako hotel pare bat eta jatetxeak ere baditu. Azkenik, petrolio indusketak egiten hastekoak dira.
Kanpo estekak
