PROFILBARU.COM

Rio Negro
Río Negro (es), Rio Negro (pt)
Rio Negro; Río Negro (es), Rio Negro (pt)
Datu orokorrak
Mota	ibai
Luzera	2.250 km
Geografia
Koordenatuak	2°00′05″N 67°06′59″W / 2.0014°N 67.1164°W
Hidrografia
Ibaiadarrak	ikusi Branco River (en) ; Casiquiare canal (en) ; Aquio River (en) ; Içana River (en) ; Bream (Gloucestershire); Jauaperi River (en) ; Araçá River (en) ; Jaú River (en) ; Unini River (en) ; Puduari River (en) ; Vaupés;
Arroaren azalera	720.114 km²
Arro hidrografikoa	Amazonasen arroa
Ur-emaria	30.000 m³/s
Bokalea; ()	Amazonas

Rio Negro^[1], Kolonbian Guainia deitua, Hego Amerikako ibaia da, Amazonasen adarrik emaritsuena, eta ezkerraldeko adarren artean luzeena. Kolonbiako ekialdean jaiotzen da eta Manaustik hurbil isurtzen da Amazonasera^[2]. 2.250 kilometro luze da, eta arroak 691.000 kilometro koadroko eremua hartzen du.

Izena

Rio Negrok «ibai beltza» esan nahi badu ere, ura ez da zehazki beltza, te kolorekoa baizik. Urrutitik beltza ikusten delako jarri zioten izen hori ibaiari. Kolore horren zergatia uraren pH azidoa da, uholde garaian gertatzen den landarediaren deskonposizioaren ondorio.

Geografia

Rio Negrok Kolonbiako ekialdean du iturburua, Guyanetako mendigunean, eta 500 kilometroan zehar, Guainia izena du. Tarte horretan, 200 kilometroan zehar, Kolonbiaren eta Venezuelaren arteko muga egiten du. Tarte mugakide horretan hartzen du Rio Negro izena, eskuinaldetik Venezuelako Casiquiare ibaia batzen zaion gunetik aurrera. Kolonbiako ibaiadar nagusiak, berriz, Tomo, Isana eta Vaupés dira. Brasilen sartu eta, Amazonas estatua zeharkaturik, Manaustik hurbil isurtzen du ura Amazonasen.