Rich Kids on LSD edo RKL, Kalifornian (Estatu Batuak) sortutako Hardcore taldea da.
Historia
80ko hamarkadan, Santa Barbarako bost lagunek sortu zuten taldea. Hauek, Punk musika eta Skatean ibiltzea gogoko zuten. Taldea sortu eta San Frantziskora joan ziren, bertan punk eszena zabalagoa zegoelako. Bertan, etxe bat okupatu zuten eta horrela sortu zen RKL taldea.
80ko hamarkada osoan zehar eta 90ko hamarkada hasieran zehar formazio aldaketa ugari izan zituen taldeak. Denbora honetan, disko ugari atera zituzten. Lehenak (Nardcore, It´s a Beautiful Feeling, Keep Laughing), hardcore punk azkarrez eginiko kantuekin osatu zituzten. Baina denborarekin, eboluzio musikal sakon bat jaso zuten beraien kantuetan, abestiak asko sakonduz. Tarte honetan ere, Europatik biran ibiltzeko aukera eman zien. Bira hauetako batean, Berlingo hirian emandako bi kontzerturen zuzeneko emanaldiak, disko batean bildu zituzten (Double live in Berlin).
1990 eta 1992 urte artean, taldeak geldiune bat izan zuen. Jason Sears abeslariak taldea utzi zuen eta bere ordez, Anthony "Bomer" Manzullo hasi zen abesten, bateria lanak beste kide bati utziz. Bomer abeslari moduan, Reactivate diskoa kaleratu zuten 1993.urtean.
Hala ere, 1994ean, Jason Sears taldera itzuli zen egiten ari ziren Europar bira amaitzeko. Jasonen itzulerarekin batera, Riches to Rags, beraien estudioko azken lana kaleratu zuten. 1996. urtean, taldeak beste geldiune bat izan zuen, bertako partaideek beste talde batzuekin proiektu berriak zituzten eta. Baina urtebete beranduago eta formazio berriarekin, taldea zuzenekora itzuli zen.
2005eko Martxoaren 30ean, momentu horretan RKL-ko bateria-jotzailea zen Derrick Plourdek (Lagwagon, Bad Astronaut, Jaws...) bere buruaz beste egin zuen.
2005eko Abenduaren 12an, taldeko baterijole originala zen Richard Anthony Manzullo bere Summerlandeko (Kalifornia) etxean hilik aurkitu zuten. Heriotzaren arrazoia, bihotzeko bat izan zen. Bomer, urteak zeramatzan drogen aurkako borrokan.
2006ko Urtarrilaren 31ean, Jason Sears, Tijuanan (Mexiko) hil zen. Desintoxikazio zentro batean zegoela hil zen. Jasonen heriotzarekin, RKL-ren etorkizuna airean gelditu zen.
Azken urte hauetan, RKLren itzulerarekin espekulazio asko egin dira. Hasiera batean, RKLAOKE izeneko ikuskizun bat egingo zenaren zurrumurrua zabaldu zen. Bertan, taldeko kideek jotako abestiekin, karaoke bat egiteko aukera izango zen. Bertan ateratako dirua, Jason Searsen seme-alabentzat izango zen. Baina hau ez zen gauzatu.
Taldekideak
1982 - 1985
- Jason Sears (†) - Ahotsa
- Alpo - Gitarra
- Chris Rest - Gitarra
- Vince Peppars - Bajua
- Anthony "Bomer" Manzullo (†) - Bateria
1985 - 1987
- Jason Sears (†) - Ahotsa
- Barry Ward - Gitarra
- Chris Rest - Gitarra
- Vince Peppars - Bajua
- Anthony "Bomer" Manzullo (†) - Bateria
1987 - 1990
- Jason Sears (†) - Ahotsa
- Barry Ward - Gitarra
- Chris Rest - Gitarra
- Joe Raposo - Bajua
- Anthony "Bomer" Manzullo (†) - Bateria
1992 - 1993
- Anthony "Bomer" Manzullo (†) - Ahotsa
- Barry Ward - Gitarra
- Chris Rest - Gitarra
- Joe Raposo - Bajua
- Dave Raun - Bateria
1993 - 1996
- Jason Sears (†) - Ahotsa
- Barry Ward - Gitarra
- Chris Rest - Gitarra
- Joe Raposo - Bajua
- Dave Raun - Bateria
1997 - 2006
- Jason Sears (†) - Ahotsa
- Chris Flippin - Gitarra
- Chris Rest - Gitarra
- Anthony "Bomer" Manzullo (†) - Bajua
- Joe Raposo - Bajua
- Boz Rivera - Bateria
- Derrick Plourde (†) - Bateria
- Kronologia
Diskografia
Diskak
- Nardcore (Mystic Records, 1984) Bilduma.
- It's a Beautiful Feeling (Mystic Records, 1984) EP.
- Covers (Mystic Records, 1984) Bilduma.
- Keep Laughing (Mystic Records, 1985) EP.
- RocK 'n Roll Nightmare (Alchemy Records, 1987) LP.
- Double Live in Berlin (Destiny Records, 1989) LP bikoitza.
- Revenge is a Beautiful Feeling (Destiny Records, 1989) LP.
- Reactivate (Epitaph Records, 1993) LP.
- Riches to Rags (Epitaph Records, 1994) LP.
- Come on in, the water is fine (Malt Soda Records, 2010) CD.
Bideoak
- Still Flailing After All These Beers (1997). VHS.
Kanpo Loturak
Kanpo estekak
