Raimundo de Madrazo y Garreta (Erroma, Italia, 1841eko uztailaren 24a - Versalles, Frantzia, 1920ko irailaren 15a) Espainiako margolaria izan zen. Margolarien familiakoa zenː Federico Madrazoren semea, José Madrazoren biloba, haren koinatua Mariano Fortuny izan zen; anaia, azkenik, Ricardo Madrazo izan zen. Haren lanak errealismoaren barruan sailkatzen dira.
Biografia
Bere lehenengo urratsak margolari bezala familia barruan egin zituen, aita eta aitona irakasleak izanik. Sus primeros maestros fueron su padre y su abuelo. Madrilgo San Fernandoko Arte Ederren Errege Akademian ikasi zuen; han, beste irakasleen artean Carlos Luis de Ribera eta Carlos de Haes izan zituen. Madrilera joan zen bizitzera; aldi berean, 1860an joan zen Parisera non Léon Cogniet margolariaren dizipulu izan zen. Urte horretan egin zen Erakusketa Unibertsalean hartu zuen parte. Parisen Eugenia de Ochoa lehengusinarekin ezkondu zen eta han gelditu zen bizitzen. Zoritxarrez, Eugenia lehen semea jaio ondoren hil zen. Semea Federico Madrazo izan zen, "Cocó" ezizenez ezaguna. Parisen ospea ezagutu zuen eta 1889ko Parisko Erakusketa Unibertsalean lehen domina irabazi zuen; halaber, partehartze horren ondorioz, Ohorezko Legioa jaso zuen.
1869an Francisco de Goyaren tapizak egiteko kartoi batzuk eskuratu zituen, tartean Perros y útiles de caza izenburukoa. 1894an margolan horiek Pradoko Museoan laga zituen eta gaur egun hantxe ikus daitezke.
Obra
- Retrato de su hermana Cecilia
- La carta
- Lección de música
- Retrato de familia
- La lectura
- Salida del baile de máscaras
- Aline Masson con mantilla blanca
- Retrato de Ramón de Errazu
- Retrato de la Sra. James Leigh Coleman
- Retrato de José Domingo Irureta Goyena
- Una gitana
- Aline Masson
- Escribiendo el diario
- Petit dejeuner
- Travesuras de la modelo
- El chocolate
- Después del baño
- Canal de Mancorbo
- Un barco naufragado
- Atrio de la Iglesia de San Ginés
Galeria
Kanpo loturak
