San Prudentzio (Armentia, Araba, - † El Burgo de Osma, Soria, apirilak 28) VI edo VII. mendeko santu katoliko arabarra da. Anakoreta eta elizgizona, Tarazonako apezpiku ere izan zen. Arabako patroia da XVII. mende erdialdetik eta haren omenezko jaia apirilaren 28an ospatzen da Armentian.
Gaur egun Gasteizko udalerrian dagoen Armentia herrian jaio zen. 15 urterekin gurasoen etxea utzi eta Soriako mendi aldera alde egin zuen. Mikel Goiaingeruaren zaintzapean zeuden koba eta otoitz-lekuan sekulako aurrerakada handia egin zuen santutasun-bidean, han izan baitzen sendotu eta goi argiz bete zen lekua. San Prudentzio, Kalaurriko apostolua eta geroago gotzain jainkozale sutsua izan zen.
Kondairaren arabera, Elizaren eta herriaren arteko gatazka zela eta, Osma hiria bi zatitan banaturik zegoen. Bi aldeetakoen eskariz, San Prudentzio gotzainari deitu zioten eta honek bakea ezartzea lortu zuen. Hori dela eta, geroztik Bakearen Aingerua izenaz ezagun da Prudentzio.
Handik hiru egunetara hil zen. Egungo Errioxako Laturce mendian (Clavijo udalerria) lurperatu zuten. Geroago han monasterio bat eraiki zen bere omenez. Armentiako basilika ere, haren omenez egina da. 950. urtean, bere gorpuzkiak Naiarako Santa Maria monasteriora aldatu ziren.
Ikus, gainera
