Primo de Riveraren estatu-kolpea Espainian 1923ko irailaren 13tik 15era bitartean emandako estatu-kolpea izan zen, orduko Kataluniako kapitain jenerala zen Miguel Primo de Rivera buru zela. Kolpearen ondorioz, Primo de Riveraren diktadura ezarri zen, batez ere Alfontso XIII.a erregea kolpearen aurka ez zegoelako, altxatutako jenerala gobernuburu izendatuz, direktorio militar baten buru.
Francisco Alía Miranda historialariak adierazi duenez, «Miguel Primo de Rivera jeneralaren estatu-kolpea ezohikoa izan zen, sinplea zelako. Arrakasta izateko, militar entzutetsu gutxi batzuen laguntza izan behar izan zuen, eta manifestu bat argitaratu behar izan zuen egunkarietan Herrialdeari eta Armadari. Berrezarkuntzaren erregimena eraitsi egin zen ordu gutxitan. [..] Ez zuen behar izan tropako agintea zuten buruen babes gehiago; horretarako, Alfontso XIII.aren itzala bazuen atzean». [1]
Erreferentziak
Kanpo estekak
