Polaris Dawn, SpaceXek kudeatu eta Shift4ko Jared Isaacman enpresaburua buru duen gizakidun espazio-misio planifikatu bat da, Polaris programan aurreikusitako hiru misioetako lehena ere bada.
Misioan zehar Dragon 2 kapsulak Isaacman eta eskifaiaren beste hiru kideak (Scott Poteet, Sarah Gillis eta Anna Menon) orbita eliptiko oso altu batera jaulkiko ditu, Lurretik 1.400 kilometrora ipiniz, NASAren Apollo programa garaitik gizaki bat Lurretik egon den urrutiena, Van Allenen gerrikoaren zenbait ataletatik igaro eta espazio-erradiazioa eta espazio-hegaldiek gizakien osasunean duten eragina ikertzeko helburuz.
Misioa aurrera doan heinean, Isaacman eta Gillisek lehen ontziz kanpoko ibilaldi komertziala egiten ahalegintzea aurreikusi da. 2024ko uztailaren 27a ondoren burutzea aurreprogramatu da.
