Petralata gaztelua (gaztelaniaz: Castillo de Petralata) Burgosko probintziako Oña (Espainia) herrian kokaturiko gaztelua da. 1200 metroko altueran, izen bereko mendian, eraiki zuten, egun Navas de Bureba eta Barcina de los Montes herriak batzen dituen bidean. IX. mendean eraiki zuten Bureba osoa menderatzeko.
Agirietan lehendabizikoz 1040an agertu zen Gartzea III.a Santxez Naiarakoaren ezkontza-hornien kontratuan. Zazpi urte geroago, Ramiro I.a Aragoikoak San Salvador monasterioari eman zion. Orduko Oña alfozaren herri nagusia izan zen eta gaztelua tenente batek gobernatzen zuen.
Laster, Fríasko gazteluak ordezkatu zuen Burebako gaztelu nagusi moduan eta XVII. mendean jada aztarnategi bat besterik ez zen.
Kanpo estekak
