Napoka Iria

Napoka Iria
Datuak
Jatorria	Eibar (Gipuzkoa)
Musika mota	folk, blues, rock
Urteak	2005 - 2017
Produkzioa
Diskoetxea(k)	Bonberenea Ekintzak
Taldekideak
Miren Narbaiza Martiartu Ander Mujika Zubiaurre
Informazio gehigarria

Napoka Iria 2005 urtean Eibarren, sorturiko folk, blues eta rock musika taldea da. 2017an taldearen ibilbidearen amaiera iragarri zuen.

Taldekideak

• Miren Narbaiza Martiartu (Eibar) - ahotsa eta gitarra akustikoa
• Ander Mujika Zubiaurre (Elgoibar) - gitarra elektrikoa, fagota, ukelelea...

Historia

2005 urtean Miren eta Ander elkartu ziren eta 2006an maketa bat argitaratu zuten, Napoka Iria. Tarte luze samarra pasa bazen ere bi diska plazaratu zituzten ondoren Lehertarazi edifizioak (2011) eta Arnasten ikasteko berriz (2013). Kontzertuak emateko garaian bi formatu jorratu zituzten, bata Napoka Iria bera, bikoteak eskeinitakoa, eta bestea Napoka Band izena zuena, Willis Drummond eta Andrakan taldeetako kide batzuek lagunduta.

2014-15 denboraldian Euskal Telebistako Tumatxak saioko atal bakoitzean Miren eta Anderrek zegokien talde edo abeslariaren kantu ezagunenaren bertsio akustikoa egin zuten, Aitormena^[1] (Hertzainak), Arratsalde honetan (Sorotan bele), Loa Loa (Amaia Zubiria), Aitarik ez dut (Errobi)...

2017an ibilbidearen amaiera iragarri zuten. Azken kontzertua Eibarko Coliseo antzokian izan zen uztailaren 7an^[2].

2017an bertan Miren Narbaizak MICE izenarekin bere lehen bakarkako diska atera du.

Diskografia

Diskak

• Napoka Iria (autoekoizpena, 2006)^[3] - maketa
• Lehertarazi edifizioak (Bonberenea Ekintzak, 2011)^[4]
• Arnasten ikasteko berriz (Bonberenea Ekintzak, 2013)^[5]

Singleak

• Itzal itzazu argiak #2 (autoekoizpena, 2013) - 2 abesti
• Arrakalak (autoekoizpena, 2014) - abesti bat

Kolaborazioak

• Ametsen txokoan (Ataramiñe, 2013)

Erreferentziak

1. EiTB. (2013-09-12). Hertzainak-en 'Aitormena', Napoka Iria-ren eskutik. (Noiz kontsultatua: 2017-06-18).
2. «Napoka Iria taldeak agur esango du Eibarren azken kontzertua jo ondoren» Argia (Noiz kontsultatua: 2017-06-18).
3. Napoka Iria. (Noiz kontsultatua: 2017-06-18).
4. Lehertarazi edifizioak. (Noiz kontsultatua: 2017-06-18).
5. Arnasten ikasteko berriz. (Noiz kontsultatua: 2017-06-18).

Kanpo estekak

• Datuak: Q31188474