Mikel Protospatario (italieraz: Michele Protospata) Italiako katapan bizantziarra izan zen 1031 edo 1032tik 1033ra. Barira bidali zuten bere aurrekoa zen Poto Argiro sarrazenoen aurka Cassano allo Ionion egindako guduan hil zenean. Mikel Konstantinoplako gorteko maila altuko ofiziala zen, eta goi-mailako hainbat titulu zituen. Bere momenturik gorenean bere titulu osoa honakoa zen: ἐπὶ τῶν οἰκιακῶν, κατεπάνω Ἰταλίας, κριτὴς τοῦ βήλου καί τοῦ ἱπποδρόμου, hau da, "txanberlana, Italiako katapana, eta vēlon eta hipodromoko kritēsa". Kritēs izenarekin enperadorearen audientziak prozesatzen zuen kargu bat izendatzen zela uste da. Mikel Italiara heldu zen 1032an armada berriarekin, Asia Txikia eta Siriako elitezko tropekin. Ez dakigu zer gertatu zen armada honekin, baina 1033an Konstantino Opo jarri zuten katapan.
