Maria Kristina Austriakoaren estatua (Ondarreta)

Maria Kristina Austriakoaren estatua (Ondarreta)
Irudi gehiago
Jatorria
Sortzailea(k)	José Díaz Bueno
Sorrera-urtea	1942
Ezaugarriak
Materiala(k)	brontzea
Dimentsioak	230 () × 130 () cm
Kokapena
Lekua	Ondarretako lorategiak
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°18′43″N 2°00′01″W
Argumentu nagusia	Maria Kristina Austriakoa

Maria Kristina Austriakoaren estatua Ondarretako lorategietan (Donostia) dagoen Maria Kristina Austriakoaren estatua bat da. Harrizko oinarri handi baten gainean dagoen brontzezko estatua da, José Díaz Bueno eskultoreak egina (Amaran dagoen erregina beraren monumentuan dagoen estatua bezalaxe).

Historia

Lehenagotik Donostian egon zen Maria Kristinaren estatua baten hondakinekin egin zen (Alderdi Ederren egon zen hura, 1913 eta 1924 artean). Estatua berregiteko Donostiako Udalak 100.000 pezeta jarri zituen, eta harpidetza bidez beste 425.000 pezeta lortu ziren, baina 1931n Espainiako II. Errepublika ezarri zelarik, Udalak erabaki zuen estatua ez egitea eta dirua eman zutenei ekarpena berreskuratzeko aukera eman zitzaien. Frankismoa ezarri zenean, Udalak obra azken burura eramatea erabaki zuen, eta 1942an inauguratu zen.^[1]

Erreferentziak

1. «Mª Kristina erregina - Donostiako eskulturak» www.santelmomuseoa.eus (Noiz kontsultatua: 2024-05-06).

Kanpo estekak

• Datuak: Q125489913
• Multimedia: Statue of Maria Christina of Austria (Ondarreta, Donostia) / Q125489913