Margarita Ruano aktore eta antzerkigile espainiarra izan zen XVII. mendearen bigarren erdian.
Biografia
Informazio gutxi dago bere bizitzari buruz.
Gaspar de Olmedo-rekin ezkonduta zegoen, Alonso de Olmedo aktorearen semea[1] eta, 1692an, Madrilgo Huertas kalean bizi ziren, agintariek komedia egileen konpainiei eskatutako txosten batean agertzen den bezala (Agustín Manuel de Castillak egindako zerrendan).[2] 1695. urtean, bere senarrarekin batera, ordezkari gisa agertzen da Ávila eta Madril arteko antzerki konpainia baterako arropen garraioan. Agustín Manuel de Castillaren antzerki konpainian Maria de Navasekin batera, besteak beste, izan zen.[3]
Lana
Margarita Ruano Madrilgo antzokietan, 1690ko hamarkadan, antzeztutako lau pieza dramatikoren egilea da: guztiak bertso polimetrikoan idatziak izan zirenak eta musikarekin batera antzeztuak izateko sortuak.[4]
El Baile de las Posadas de Madrid laneko protagonistak Madrilgo Cava Baja kalea eta Silva kalea dira, hiriko ostatuak biltzen ziren kaleak. Antzezlanaren argudioan esaten da hainbat alegoria ostatu hartzera hurbiltzen direla kale horietara: Edertasuna, Jelosia, Hutsaltasuna, Maitasuna eta Apaltasuna. Guztiek lortzen dute ostatu, Apaltasunak izan ezik, eta denak haserrarazi ondoren, lortu egiten du. 1692. urteko apirilean antzeztu zen lehen aldiz.[4]
Dakigunaren arabera Baile de los títulos de comedias antzezlanak 1690eko martxoaren 30ean antzeztua izateko lizentzia lortu zuen; Baile del juego de vuelo de vuelen pajaritos 1692koa da; eta El baile del veneno de los sentidos 1700. urtekoa. [5]
Erreferentziak
Kanpoko estekak
