Margaret Bemister (Portage la Prairie, 1877ko abuztuaren 31 – Vancouver, 1984ko martxoaren 3a) kanadar idazle, kazetari eta irakaslea izan zen.
Bizitza
George Bartlett Bemister eta Mary Elizabeth (Lizzie) McPhillipsen alaba, Portage la Prairien jaio zen. Winnipegeko irakasle eskolan ikasi zuen eta irakasle-ziurtagiria lortu zuen. Ipuinak bildu eta kontatu zituen, besteak beste, syilx herriko buruzagi batek kontatu zizkion hainbat. Manitoba Free Press egunkarirako idatzi zuen eta Kanadako Emakumeen Prentsa Klubeko Winnipegeko adarreko kide izan zen. Christmas Knapsack sortzen lagundu zuen, Lehen Mundu Gerran Kanadako soldaduentzako dirua biltzeko argitaratutako antologia. Ipuinak, eleberriak eta fikzioz kanpoko liburuak idatzi zituen[1][2].
82 urte zituela, Vancouverrera joan zen bizitzera, eta han hil zen San Vizente ospitalean, 106 urte zituela[1].
Lanak
- Stories from Prairie and Mountain (1909)
- Manitoba Primer (1910)
- Thirty Indian Legends of Canada (1912)
- Indian Legends (1914)
- The Pixies' Reward (1917)
- The Golden Caravel (1962)
- The Arrow Sash (1965)
Erreferentziak
Kanpo estekak
