Locarnoko Zinemaldia (ofizialki Locarno Film Festival) urtero Suitzako Locarno herrian egiten duten nazioarteko zinemaldia da. 1946an sortutakoa, jaialdia abuztuan ospatzen dute beti.
Zinemaldiaren berezitasuna Piazza Grandeko filmen proiekzioa da, non 8.000 ikuslerentzako eserlekuak jartzen dituzten aire zabalean.
Jaialdiko saririk nagusiena «Urrezko Lehoinabarra» (italieraz: Pardo d'Oro da, film onena saritzen duena. Beste sari batzuk «Zilarrezko Lehoinabarra» (bigarren postua) eta «Brontzezko Lehoinabarra» (gizonezko aktore onenari eta emakumezko aktore onenari) dira.
2004tik «Excellence Award» ere ematen da. Nazioartean txalotutako aktoreen lana saritzen duen sari ospetsua da, beren talentu eta ibilbidearekin zazpigarren artea aberastu baitute. Horrela, besteak beste, Oleg Menxikov, Susan Sarandon, John Malkovich, Willem Dafoe, Carmen Maura, Michel Piccoli, Toni Servillo, Chiara Mastroianni, Isabelle Huppert, Victoria Abril, Christopher Lee, Juliette Binoche edo Giancarlo Giannini omendu dituzte.
Kanpo estekak
