Lea Niako (Hanburgo, 1908-Berlin?, 1945 inguruan) Lea Maria Kruseren izen artistikoa zen, baita ere Berlingo Dantzaria gisa ezaguna izan zen. Dantzaria, aktorea, artista eta espioia izan zen. Artista gisa nackttanz koreografiako mugimenduaren partaidea izan zen; mugimendu horretan protagonistak askotan publiko aurrean ia biluzik ateratzen ziren. Espezialisten arabera biluztasun hori askapen-keinu gisa ulertu behar zen.
Biografia
Lea Niakok artista exotiko moduan arrakasta handia izan zuen bai Europan baita ere Amerikan. Jerzy Sosnowski espioi poloniarra ezagutu zuen eta elkarrekin abentura bat izan zuten. 1935eko otsailaren 24an Gestapok atxilotu zituen. Sicherheitsdiensteneko, SSren inteligentzia zerbitzuko Walter Schellenberg-ek ideologikoki berreskuratzeko eta Alemaniarako espioi gisa lan egiteko konpromezua hartu omen zuen. Reinhard Heydrichek proposamena onartu zuen. Ondoren artistaren biografiaz ez da ezer ezagutzen.[1]
