Laia Serra Perelló (Bartzelona, 1977) kataluniar abokatua, zigor-zuzenbidean aditu, irakasle eta aktibista da.[1] Giza eskubideen defentsan dihardu, genero berdintasuna eta intersekzionalitatea kontuan hartuz.
Ibilbidea
Dones Juristes elkarteko kidea da, non Indarkeria eta Berdintasun batzordea zuzentzen duen,[2] baita Bartzelonako Abokatu Elkargoaren jarduera askearen defentsa batzordekoa. Homofobiaren aurkako Behatokia, Ca la Dona eta International Trial Watchekin ere lana partekatzen du, azken horrekin Kataluniako prozesu subiranistaren nazioarteko behatzea sustatzen du. Komunikabide desberdinetan ere idazten du, hala nola, TV3, Diari Ara, ElDiario.es, Catalunya Ràdio, Torture Journal[3] eta Pikara Magazine.[4]
Ekarpenak giza eskubideen alorrean
Auzi estrategikoa erabiliz, Mossos d'Esquadra-ko komisaldegietan bideo-kamerak jar ditzaten lortu zuen. Ester Quintanaren kasuarekin, Kataluniako poliziaren gomazko piloten erabilpena debekatzea ere lortu zuen.[5] 2011ko Aturem el Parlament kasuko defentsak zuzendu zituen,[6] baita gizon homosexualen aurkako jazarpen kasuak ere, Pilla Pilla adibide.[7] Kataluniaren independentziarako 2017ko urriaren 1eko ekimenen testuinguruan, polizi-indarkeriaren aurkako zenbait auzitan parte-hartu zuen.
Indarkeria matxista
2016an, Iruñeko "la manada" sexu erasoaren biktimen datu pertsonalen publikazioaren aurka egin zuen.[1][8] Kataluniako indarkeria matxistaren aurkako 5/2008 legearen idazleetako bat da. Indarkeria digitala zigortzearen alde egin zuen, Irantzu Varela eta beste aktibista feminista batzuk jasotzen duten jazarpena mugatzeko helburuarekin.[9]
Argitalpenak
Txostenak
- Las violencias de género en línea (Pikara Magazine, 2018)[10]
- Discurs d'incitació a l'odi: anàlisi des dels drets humans i pautes interpretatives (IDHC - Institut de Drets Humans de Catalunya, 2018)[11]
Erreferentziak
Kanpo estekak
