La Capitana Alegría edo Pour don Carlos 1920ko film-mutu bat da, Musidorak eta Jaime Lasuen Reischachek zuzendua. Neurri batean euskal kapitalarekin ekoiztutako lehen fikziozko filma izan zen[1]. Aktore nagusia Musidora izan zen, surrealisten musa zena[2]. 2021ean filma zaharberritu zen[3].
Ekoizpena
Pierre Benoit idazle frantziarraren eleberri batean oinarrituta dago, Karlistaldian oinarritua. Hondarribian eta Gipuzkoako beste leku batzuetan garabatu zen. Argazkilaritza Frank Daniau-Johnstonek eta Crouanek egina izan zen. Barnealdeak René Carrerek dekoratu zituen, eta bere emanaldi muturako E. Mathé Clementh eta Jacques Roques musikariek irudiei lagungarri zitzaien partitura egokia idatzi zuten[1].
Estatu Espainiarrean film hori La Capitana Alegría izenez eman zuten eta Frantzian Pour Don Carlos izenarekin[1].
Argudioa
Intriga guztia Musidorak antzeztutako Allegria Detchard amazonaren nortasun bitxian oinarritu zen. Bere aberastasun, edertasun eta estrategia militarrean zeuzkan trebetasun guztiak Espainiako Alfonso erregearen koroarengatik borrokatzen zuen Karlos Borboikoa erregegaiaren zerbitzutan jarri zituen[1].
Erreferentziak
Kanpo estekak
