Kintyre (Eskoziako gaeleraz: Ceann Tìre) Eskoziako hego-mendebaldean kokatzen den penintsula bat da, hain zuzen ere, Argyll eta Bute konderrian. 48 km-ko luzera du, bere hegoaldeko muturrean dagoen Mull of Kintyre kokalekutik hasi (leku honi 1977anPaul McCartney musikariak abesti ezagun bat eskeini zion) eta bere iparraldean dagoen East Loch Tarbert kokalekuan amaitzen da. Penintsula hau iparraldetik inguratzen duen eskualdeak Knapdale izena du.
Geografikoki, Kintyre penintsula luzea eta estua da, zeharka inon ez du kostaldetik kostaldera 18 kilometrotako muga igarotzen. Penintsula honetako erdigunea nagusiki eremu menditsu eta desbabestuz osatuta dago, aldiz kostaldea eta barnealdea lur emankorraz osatuta daude. Honela bada, sarritan Kintyre gizakien kokalekuen lekuko izan da, IrlandakoUlster eskualdetik Eskoziako mendebaldera etorritako lehenbiziko eskotoetatik hasi eta 1000. urtean eremu hau konkistatu zuten norvegiarbikingoetaraino.
Eremu honetako udalerririk handiena Campbeltown da (Mull-etik errepidez 9 kilometrotara), honek XVIII. mendearen erdialdetik "Errege Burgo" titulua daramalarik. Usadioz eremu honetako ekonomiaarrantza eta nekazaritzan oinarritzen da, nahiz eta Campbeltown udalerriak bere maltazko whiskyarengatik ere izen ona irabazi duen, honen barnean bereziki sarritan saritutako Springbank mota dagoelarik.
Aipatzekoa da era berean XVI mendeko Saddell gaztelua, gaur egun bertan behera utzia egon arren egoera txukunean mantentzen dena. Beste gaztelu batzuk Skipness eta Tarbert dira, biak ere dagoeneko egoera eskasean.
