Kalkutako portua (bengaleraz : কলকাতা বন্দর ) Indiako Kalkuta hiriko ibai-portu bat da, itsasotik 203 kilometrora dago. Indiako porturik zaharrena da, eta Ekialdeko Indietako Britainiar Konpainiak eraiki zuen, 1870. urtetik aurrera.
Ezaugarriak
Portua bi kai sistema desberdinak ditu: Kolkata eta ur sakonetako Haldia Dock konplexua.[1]
Historia
XVI. mendearen hasieran, portugaldarrek lehen aldiz portuaren egungo kokapena erabili zuten ontziak ainguratzeko, Hooghly ibaiaren goiko ibilgua, Kalkutatik haratago nabigaziorako ez segurua aurkitu baitzuten. Job Charnockek, Ekialdeko Indietako Britainiar Konpainia langile eta administratzaileak, 1690ean merkataritza-gune bat sortu zuela bertan uste da. Eremua ibaiaren gainean zegoen eta oihanak hiru aldetan inguratzen zuen; horregatik, etsaien inbasioetatik salbu jotzen zen. 1833an Britainia Handiko Inperioan esklabotza deuseztatu ondoren, portu hau Inperio osoko lurralde urrunetara "kontratatutako langile" gisa milaka indiar bidaltzeko erabili zen.[2]
XIX. mendean Kalkuta Britainiar Indiako portu garrantzitsuena izan zen. Independentziaren ostean, hainbat faktoreren ondorioz, bere garrantziak behera egin zuen. Beste arrazoien artean Bengalaren zatiketa (1947), portuaren eragin eremuaren tamaina murriztea eta Indiako ekialdeko geldialdi ekonomikoa egon ziren jaitsiera horren atzean.
Erreferentziak
Kanpo estekak
