PROFILBARU.COM

Julen Manterola Agirre
Bizitza
Jaiotza	Irun,
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea Doktoretza : hizkuntzalaritza
Tesi zuzendaria	Joseba Lakarra
Hizkuntzak	euskara
Jarduerak
Jarduerak	hizkuntzalaria eta ikertzailea
Enplegatzailea(k)	Euskaltzaindia (2010eko urtarrilaren 1a - 2021eko urtarrilaren 20a)
Jasotako sariak	ikusi Ikergazte saria ;
Kidetza	Monumenta Linguae Vasconum

Julen Manterola Agirre euskal hizkuntzalaria da.

2015ean "Euskararen morfologia historikorako: artikuluak eta erakusleak" izenburuko tesia aurkeztu zuen EHUn, Joseba Lakarraren zuzendaritzapean.^[1]

Berreraiketa morfologikozko ariketak planteatu ditu gero eta zientziaren alor oso ezberdinetan pentsatzeko moduak berdinak izan daitezkeela erakutsi zuen Ikergazte kongresuan giza zientzietako saria irabazi zuenean, are itxuraz urrun diren hizkuntzalaritza diakronikoan eta astronomian. Batetik morfologian euskarazko inesibo singularreko sintagma zenbaitetan, hala nola lanean, hitzean eta halakoetan irregulartasun bat dugu, -e- epentetikoa: inoizko kontsonante desagertu baten lekukotzat hartu ohi da. Bestetik, era berean, Uranoren orbitan irregulartasun zenbait deskribatu zituzten astronomoek: hastapeneko bestelako proposamenak baztertuta, planeta ezezagun baten lekukotzat hartu zituzten, eta gaur Neptuno deitzen dugun planeta hor zegoela kalkulatu. Alor bietan, morfologian eta astronomian, irregulartasun batek fenomeno ezezagun baten presentzia bat iradokitzeko balio izan du.^[2]

Euskararen historiako hainbat alderdi ikertzen duen Monumenta Linguae Vasconum ikerketa taldeko kidea da.

Era berean, Euskaltzaindiak argitaratutako Euskal Hiztegi Historiko-Etimologikoa^[3] laneko koordinatzailea izan da.^[4]

Argitalpenak

2006: «-a euskal artikulu definituaren gainean zenbait ohar»
2008: (Ingelesez) «Is Basque an agglutinative language?»
2008: «Euskarazko artikuluak Erdi Aroko agiri bilduma batean»
2008: «-a morfemaren erabilera (eza) ekialdeko euskaretan»
2008: (Ingelesez) «-a and bat Basque articles and recent contact theories»
Gidor Bilbao, Ricardo Gómez, Joseba A. Lakarra, Julen Manterola, Céline Mounole eta Blanca Urgell: Lazarraga eskuizkribua: edizioa eta azterketa (1.0.1), Gasteiz: Euskal Herriko Unibertsitatea.^[5]
Bilbao Telletxea, Gidor; Gómez López, Ricardo; Lakarra Andrinua, Joseba A.; Manterola Agirre, Julen; Mounole, Céline; Urgell Lázaro, Blanca: Lazarraga Eskuizkribuaren edizioa eta azterketa. I. Sarrera, gramatika, hiztegia eta adizkitegia. EHU. 2020. (394 orrialde). ISBN/ISSN: 978-84-1319-161-4
Bilbao Telletxea, Gidor; Gómez López, Ricardo; Lakarra Andrinua, Joseba A.; Manterola Agirre, Julen; Mounole, Céline; Urgell Lázaro, Blanca: Lazarraga Eskuizkribuaren edizioa eta azterketa. II. Testua. EHU. 2020. (702 orrialde). ISBN/ISSN: 978-84-1319-162-1

Sariak

2019: ikergazte kongresuko giza zientzietako saria, "Neptuno berreraiki, -a artikulua kalkulatzeko: euskal inesibo singularraren diakronia eta berreraiketa metodoaren dibulgazio saio bat" artikuluarengatik.^[6]^[2]