Jorge Pueyo Sanz (Fonz, Huesca, 1995) Aragoiko telebista aurkezlea eta aragoieraren dibulgatzailea da[1], ikasketaz abokatua[2].
Ibilbidea
Aragoieraz mintzatzen den Fonz herrian jaio zen Jorge Pueyo eta txikitatik bizi izan du aragoieraren jazarpena[3], horregatik hizkuntzaren sustatzaile eta dibulgatzaile bihurtu da, hala Aragoiko telebistan nola sare sozialetan.
2018an "Tierra muixada" olerkiarekin "Condau de Ribagorza" lehiaketako saria irabazi zuen[4]. YouTubeko kanal bat sortu zuen aragoiera sustatzeko eta arrakastarik izan ez bazuen ere bere burua ezagutzera eman zuen eta 2019an Aragoiko telebistako Charrín Charrán programan erreportari lanetan hasi zen. Programa hau Silvia Cebollak aurkezten zuen eta aragoierazko lehenengo programa izan zen.
2021ean Twitter sarean astelehenetik ostegunera aragoierazko egunerokoa egiten hasi zenean bihurtu zen ezagun[5]. 2022an Aragoiko telebistan gaueko programa aurkezten hasi zen. A escampar la boira izena du programak eta aragoieraz pertsona ezagunei elkarrizketak egiten dizkie[6].
Chunta Aragonesista alderdiko hizkuntza politika batzordeko koordinatzailea da[7].
Erreferentziak
Kanpo estekak
.jpg)
.svg){kind=small}
.svg){kind=small}
