Izuaren eta Tragediaren Zikloa

Izuaren eta Tragediaren Zikloa
Jatorria
Sortzailea(k)	Graydon Parrish ^(en)
Sorrera-urtea	2007
Jatorrizko herrialdea	Ameriketako Estatu Batuak
Ezaugarriak
Kokapena
Lekua	New Britain Museum of American Art ^(en)
Bilduma	New Britain Museum of American Art ^(en)

Lanaren zati bat.

Izuaren eta Tragediaren Zikloa (ingelesez: The Cycle of Terror and Tragedy) Graydon Parrishen margolana da. Gaia 2001eko irailaren 11ko atentatuak dira, modu alegorikoz azalduta.

Historia

2002an, Douglas Hyland, Britainia Handiko Arte Amerikako Museoaren zuzendaria, Graydon Parrish hurbildu zen irailak 11ko atentatuen biktimen omenaldi alegorikoa sortzeko eskatuz. Margolanak, The Cycle of Terror and Tragedy, hemezortzi metro baino gehiagoko luzera du; Ameriketako Estatu Batuetan inoiz sortutako lan errealista handienetakoa da. Gaur egun New Britain Museum of American Artean ikus daiteke.^[1]

Deskribapena

Margoak paisaia desolatua irudikatzen du, amesgaiztokoa. Atzean, laino zikinen artean, New Yorkeko silueta ikus daiteke. Lehen planoan, aldiz, giza irudiak daude: bi zutik, erdian, Jesus Kristoren itxurarekin, garraxika eta begiak estalita; beste batzuk hondakinen artean lurrean eroriak daude. Ezkerreko aldean hiru haur, horiek ere begiak estalita, zutik, eszena aldera begira daude. Margolana bi hegazkinekin osatzen da, bat haur batek eskuan du, besteak lurraren kontra jo du.^[2]

Estiloa

Pintura estilo akademikoagatik nabarmendu da, Jacques-Louis David eta William Bouguereauren eragin zuzena jaso baitu. Ezaugarri nagusia bere eduki sinboliko handia da. Ikuspuntu horretatik beste margolan handiekin konparatua izan da: Pablo Picassoren Guernica, eta Théodore Géricaulten The Raft of the Medusa. Jasotako eszenak ikusgarriak eta gogaikarriak dira, melodramatikoak.

Erreferentziak

1. https://nbmaa.wordpress.com/2010/09/10/collection-highlights-the-cycle-of-terror-and-tragedy-september-11-2001/
2. https://web.archive.org/web/20100427042250/http://nbmaa.wordpress.com/2010/02/11/collection-highlights-the-cycle-of-terror-and-tragedy-september-11-2001/

Kanpo estekak

• (Ingelesez):"The Tragedy of 9/11, on a Long Sheet of Canvas", Benjamin Genocchio-ren artikulua, The New York Times, 2007/02/18.

• Datuak: Q7728546