Irving Penn (Plainfield, New Jersey, 1917ko ekainaren 16a - New York, 2009ko urriaren 7a) estatubatuar argazkilaria izan zen. Moda, erretratu eta izadi hilen argazkigintzan nabarmendu zen. Vogue aldizkariarentzat eta publizitateko beste bezero batzuentzat lan egin zuen.
Jatorri judu errusiarreko familia batean jaio zen eta Arthur Penn zine zuzendaria bere anaietako bat izan zen. Vogueren azalerako lehen argazkia 1943an egin zuen. Bigarren Mundu Gerran gerraren argazkiak egin zituen Italian eta Indian. Voguerentzat lan egin zuen bere karrera osoan eta, gainera, publizitate-lanetarako argazkigintza estudioa izan zuen.
