Iragaitza edo ´Jasokundearen katedrala, Kharkov hirian (Ukraina) dagoen tenplu ortodoxoa da. Hiri horretako tenplu ortodoxo nagusia izan zen, XX. mendearen hasiera arte, orduan amaitu baitzen Deikundearen katedrala.
Iragaitzaren katedrala, 1841ean amaitua, Lopan ibaiaren ertzean dago, Unibertsitatea izeneko muinoaren gainean, eta hiri profila du nagusi. Kanpandorrea 90 metro altu da (munduko 11. kanpandorre ortodoxo altuena), inspirazio neoklasikokoa dauka eta 1820ko hamarkadan eraiki zen, Napoleonen inbasioaren ondoren, Errusiako Alexandro I. tsarrari esker. Eliza, XVIII. mendearen azken laurdenekoa, estilo barroko berantiarrekoa da, Moskuko San Klemente[1] modeloan inspiratua. Ezkizko zurezko urre-koloreko ikonostasioa nabarmentzen da. Erloju frantses handi bat jarri zuten kanpandorrean 1856an. Erregimen sobietarrean, eliza itxi egin zuten, eta 1929an botatako kupulak. XX. mendeko 70eko hamarkadaren amaieran zaharberritu zuten; gaur egun, Moskuko Patriarkatuaren mende dagoen Ukrainako Eliza Ortodoxoarena da. 2022ko martxoaren 2an, katedralak era askotako kalteak jasan zituen Kharkov hiria suntsitu zuten Errusiako bonbardaketengatik, gerra errusiar-ukrainarraren esparruan. Sare sozialetan zabaldutako irudiek tenpluaren barrualdea erakutsi zuten lurrean beirateen kristalekin, markoan sartutako obrekin eta egur zati ugarirekin.[2]
Erreferentziak
Kanpo estekak
