Hizkuntza Gutxituetako Hiztun Gazteen Topaketa (HIGA) mundu osoko hizkuntza gutxituetako hiztun gazteak batzen dituen topaketa da. Gasteizen (Araba) izaten da. [1]
Askotariko soziolinguistika hariak jorratzen dira bertan: hizkuntza mailako aktibismoa, intersekzionalitatea, hizkuntza biziberritzeak, aldarrikapenak, ingurune digitalak, hizkuntza komunitateen arteko elementu komunak...[2]
UNESCOk Higa aukeratu du Hizkuntza Indigenen Nazioarteko Hamarkada barruko ekitaldi ofizial gisa.[3]
Edizioak
I. edizioa
2011n izan zen eta Bretainia, Korsika, Galizia, Katalunia, Valentzia, Mallorca eta Euskal Herriko hiztun gazteak elkartu zituen.
II. edizioa
2018an 35 hizkuntza gutxituetako 75 gazteren parte hartzea izan zuen.[4]
III. edizioa
2021ean COVID-19ak eraginda, jardunaldien zati handi bat online egin behar izan zen.[5]
IV. edizioa
2023ko uztailaren 17tik 21era bitartean izango da Gasteizen eta 75 gazte baino gehiago biltzeko asmoa du ekimenak.[6]
Bultzatzaileak
Antolatzaileak
Babesleak
Hizkuntza Politika Sailburuordetza, Badalab, Arabako Foru Aldundia, Bizkaiko Foru Aldundia, Euskarabidea, Gipuzkoako Foru Aldundia.
Batzorde Akademikoa
Euskaltzaindia, EHU, ELEBILAB ikerketa taldea, Munduko Hizkuntza Ondarearen Unesco Katedra, Udako Ikastaroak, Soziolinguistika Klusterra, Rise Up.
Laguntzaileak
Garabide, YEN/JEV, NPLD, Global Voices, Etxepare Euskal Institutua.
Ekimen ofiziala
UNESCOren Hizkuntza Indigenen Nazioarteko Hamarkada, EHUko Udako Ikastaroak.
Erreferentziak
Kanpo estekak
