Hixam II.a[1] —arabieraz: أبو الوليد هشام بن الحكم, Abû l-Walîd Hishâm ibn al-Hakam— (Kordoba, 965eko ekainaren 11a - ib., 1013ko maiatzaren 18a), Kordobako bigarren omeiatar kalifa (lehendabizikoz 976 eta 1009 artean eta berriro 1010 eta 1013 artean) izan zen. al-Mu'ayyad bi-llah (المؤيد بالله), hau da, "Allahren laguntza garailea jasotzen duena" aukeratu zuen ezizen.
Al-Hakam II.a eta Subh bere kutunaren semea, 11 urte zituela, amak tronua eskuratzeko azpijokoak egin zituen. Bere erreinaldian Almanzorrek erregeorde moduan gobernatu zuen 1002an hil arte, gero bere semeak Abd al-Malik al-Muzafarrek 1009 arte ordezkatua.
Orduan Muhammad II.a al-Mahdik zuzendutako matxinadak (gero Suleiman al-Mustainek ordezkatua) tronua kendu zion, 1010eko ekainaren 23an espetxetik irten arte. Egoera horretan 1013an berbereek Kordoba arpilatu eta Hixam hil zuten bere hautagaia tronuan kokatuz.
Erreferentziak
