Harpalize (grekoa: Ἁρπαλύκη), edo Jupiter XXII, Jupiter planetaren satelite natural bat da.
Ezaugarri fisikoak
Harpalize satelite txiki bat da (4,4 km-ko diametroa), irregularra, eta grisaxka. Uste da 0,04ko albedoa duela, Jupiterren beste satelite batzuen antzera.
Harpalize Anankeren taldekoa da, hau da, modu erretrogradoan 19.300.00 km eta 22.700.000 km arteko erradioarekin Jupiter orbitatzen duten sateliteen taldekoa. Talde horretako guztiak, jatorriz, asteroideak dira, Jupiterren grabitateak harrapatuak eta satelite bilakaraziak.
Aurkikuntza
Hawaiiko Unibertsitateko astronomo-talde batek, Scott S. Sheppard buru, aurkitu zuen 2000. urtean. Aurkikuntzaren berri 2001eko urtarrilaren 5ean eman zen, Jupiterren beste 10 sateliterenarekin batera.
Izendapena
Aurkitu zenean, S/2000 J 5 behin-behineko izendapena eman zitzaion. Kode horrek adierazten du lehen aldiz 2000. urtean ikusitako Jupiterren 5. satelitea dela. Behin betiko izendapena 2002ko urriaren 22an jaso zuen, Jupiterren beste 10 sateliterekin batera.
Harpalize satelite-izena mitologia grekoko Harpalize pertsonaian du jatorria. Harpalize Klimenosen alaba zen, eta Zeusen maitalea.