Garrotikoak Iruñean aurkitu daitezken hostore eta txokolate gozoki tradizionalak dira. 1969az geroztik prestatzen hasi ziren, Pablo Sarundiren eta haren emazte Beatrizen eskutik, Estafeta kaleko 22. zenbakian.[1][2]
Historia
XX. mendearen hasieran, Estafeta 22ko lokala Esteban Osacarren arotzeria zen. 1930eko hamarkadan, José Larreak lokala erosi zuen txokolatea eta argizaria bertan fabrikatzeko. Handik denbora batera, Regina González Vicentek lokala erosi zuen janari dendarako. 1969an, Pablo Sarandi eta Beatriz senar-emazteek gozokiak ekoiztea erabaki zuten, gozogintza sailak lortutako arrakasta ikusirik.[3][4][5]
1991n, hogeita bi urtez etenik gabe lan eginda eta ondorengorik ez zutenez, negozioa beste pertsonen esku uztea erabaki zuten, eta Lourdes eta Asun Gómez Tellechea ahizpei eman zizkieten errezeta guztiak.[6][7]
Ezaugarriak
Jatorrizko errezetari jarraituz, garrotikoak hostorez eta txokolatez egiten dira. Hostore baten gainean txokolatea zabaltzen da pastel-mahuka batekin, eta, horrela, biribilki batzuk prestatzen dira gero zatika mozteko.[8] Normalean egunean 2.400 garrotiko inguru egiten dira.[9]
Erreferentziak
Kanpo estekak
