FIFA edo Asoziazio Futbolaren Nazioarteko Federazioa (frantsesez: Fédération Internationale de Football Association) mundu osoko futbol federazioak elkartzen dituen konfederazioa da. Munduko kirol erakunde handiena da. Egoitza nagusia Suitzan dago kokatuta eta presidentea Gianni Infantino da.
FIFAren antolakuntza
Bere lurraldean futbola antolatzen duen edozein federakuntza FIFAren partaidea izan daiteke. Baina horretarako bi baldintza hauetako bat, gutxienez, bete behar dira [1]: Lurralde hori estatu independentea izatea, edota -estatu independentea izan gabe- lurralde hori menpean duen estatuaren federakuntzaren baimena izatea. Euskal Herriaren kasuan, horrek esan nahi du Euskadiko Futbol Federakundea FIFAren partaidea izateko (horrek euskal selekzioari ofizialtasuna emango lioke) beharrezkoa dela Espainiako Futbol Federazioak bere oniritzia ematea, orain arte gertatu ez dena [2].
FIFAren 11. artikuluak hau dio, 6. puntuan:
"An association in a region wich has not gained independence may, with the authorisation of the menber association in the country on wich it is dependent, also apply for admission to FIFA"
Euskaratua:
"Independentzia ez duen erregio baten Futbol Federakunde batek FIFAn sartzea eskatu ahal izango du baldin eta erregio hori menpean duen estatuaren Futbol Federakundeak bere oniritzia ematen badu"
Erreferentziak
Kanpo estekak
