Enrique Egas (Toledo, c. 1455 - ib., 1534) espainiar arkitektoa izan zen. Bruselako Anequin de Egas arkitekto eta eskultorearen iloba zen. Santiago de Compostelako ospitalea (1499) eta Granadako kapera (1506) eraiki zituen Errege-erregina Katolikoentzat. Obra horiez gainera, Toledoko Santa Cruz ospitalea, Granadako (1511) eta, ziur aski, Salamancako Unibertsitateko atari nagusia egin zituen. Platereskoko arkitekto garrantzizkoenetako bat izan zen. Oparoa eta irudimen handikoa baitzen, harria zilarginen modura landu zuela esan daiteke.
Erreferentziak
