San Lorenzo Mendia, Cochrane mendia bezala ere ezaguna, Argentina eta Txileren arteko mugan dagoen 3.706 metrotako mendia da.[1] Cochrane izen txilenoa menditik hurbil dagoen Cochrane herritik datorkio, mendizaleek normalean igoera hasteko erabiltzen dutena. Lehen igoera Alberto Maria de Agostinek egin zuen 1943an.[2]
Hiru glaziar handik estaltzen dute mendia, bik Argentinako aldean eta beste batek Txilen. Argentina aldekoetan txikitzen ari diren seinale nabariak ikus daitezke.[3]2014. urtean ezaguna egin zen JP Auclair eta Andreas Farnsson eskiatzaile profesionalak bertan hil zirelako elur-jausi baten ondorioz.[4]
