Carlos Sainz Cenamor (Madril, 1962ko apirilaren 12a -) autogidari espainiar bat da. Laurogeitahamargarren hamarkadako rally pilotu esanguratsuenetariko bat izan zen eta egun delako raid lasterketetan dihardu Volkswagen etxearen talde ofizialean. 1990 eta 1992 urteean munduko rally txapelketa eskuratu zuen Toyota Celica baten gidaritzapean. Ondorengo urteetan Lancia Delta, Subaru Impreza, Ford Escort, Toyota Corolla, Ford Focus eta azkenik Citroen Xsara autoak gidatu zituen 2004 urtean lasterketak uztea erabaki zuen arte. Hurrengo urtean Volkswagen etxearekin hasi zen harremanetan eta 2006an Rally Dakar ospetsuan hartu zuen parte. 2007an Munduko Raid txapelketa bereganatu zuen eta gaur egun horrelako karreretan hartu ohi du parte.
