Belinda Bennett (Santa Helena, Erresuma Batua, 1977 inguruan) santahelenar gurutzaontzi kapitaina da.[1] Munduko lehen emakumezko gurutzaontzi-kapitain beltza da.[1][2]
Bizitza
Santa Helena itsasoaz haraindiko britainiar lurraldean jaio eta hazi zen. 17 urte zituenean ontzigaineko kadete lana hartu zuen RMS St Helena zama-bidaiontzian. 2003an, bederatzi urte igaroeta bigarren ofizial mailara igotzea lortu ondoren, ontzia utzi zuen. Ondoren, SS Delphine laketontzian eta Isle of Man Steam Packet Companyren ferryetan lan egin zuen, baita itsasketa-eskolara itzuli ere maisutza bat ikastera. 2005ean Windstar Cruisesen hasi zen lanean bigarren ofizial gisa. Bertan mailaz igotzen jarraitu zuen. 2016ko martxoan Wind Star itsasontziko kapitain izendatu zuten eta Windstar konpainiako lehen emakume kapitaina izan zen.
2018an Erresuma Batuak Merezimenduzko Zerbitzuari Merkataritza Ontzidiaren Domina eman zion.
Erreferentziak
Kanpo estekak
